ДАЪВАТНОМА БАРОИ ИШТИРОК ДАР ОЗМУН

Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон довталабони салоҳиятдори манфиатдорро (минбаъд – “Иштирокчӣ”) ҷиҳати иштирок дар озмуни якмарҳилавии хариди давлатӣ оид ба интихоби пудратчиён бо ҳуқуқи бастани шартнома барои “Иҷро намудани корҳои сохтмонӣ дар соли 2019 аз рӯи қисмҳои алоҳидаи Лоти 3 (Сохтмони иншоотҳои соҳили рост) ва лоти 4 (Сохтмони иншоотҳои соҳили чап) нерӯгоҳи барқи обии Роғун”  даъват менамояд.
Хариди давлатӣ аз рӯи лотҳои зерин ба роҳ монда мешавад:
Лоти А: Иҷро намудани корҳои сохтмонӣ дар соли 2019 аз рӯи қисмҳои алоҳидаи Лоти 3 - Сохтмони иншоотҳои соҳили рости нерӯгоҳи барқи обии Роғун;
Лоти Б: Иҷро намудани корҳои сохтмонӣ дар соли 2019 аз рӯи қисмҳои алоҳидаи Лоти 4 - Сохтмони иншоотҳои соҳили чапи нерӯгоҳи барқи обии Роғун.
Ба ҳайси Иштирокчии озмун шахси ҳуқуқӣ, сарфи назар аз шакли моликият ва шакли ташкилию ҳуқуқии худ, ки дар Ҷумҳурии Тоҷикистон ба қайди давлатӣ гирифта шудааст ё шахсони ҳуқуқии мазкур, ки  бо мақсади расмии имзо намудани Шартнома дар намуди  Консортсиум бе таъсиси шахси ҳуқуқӣ муттаҳид гардидаанд метавонанд бошанд.
Озмуни хариди давлатӣ дар асоси талаботи қонунгузории Ҷумҳурии Тоҷикистон ба роҳ монда мешавад.
Иштирокчиёни манфиатдор бо дархости хаттии худ ба Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон метавонанд бо муҳтавои ҳуҷҷатҳои тендерӣ пешакӣ шинос гардида, баъд аз пардохт намудани ҳаққи бебозгашт дар андозаи 950 сомонӣ ва ирсол намудани нусхаи маводи пардохтӣ ба суроғаи электронии info@zakupki.gov.tj онҳоро дастрас намоянд.
Қабули дархостҳо тендерии довталабон дар намуди лифофаҳои муҳркардашуда аз ҷониби котиби масъули комиссияи тендерӣ (Мамуров Умарҷон Маҳмудович) дар бинои Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон воқеъ дар ш. Душанбе, кӯчаи Шота Руставелли, 22 то 28 феврали соли 2018 то соати 14.00 амалӣ мегардад. Муҳлати муқаррагардида муҳлати ниҳоӣ мебошад, ки баъд аз анҷоми он дархостҳои тендерии довталабон қабул карда намешавад.
Расмиёти кушодани лифофаҳо бо дархостҳои тендерии довталабон аз тарафи Комиссияи тендерӣ дар толори Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон дар сана на вақти болозик баргузор мегардад.
Ба намояндагони салоҳиятдори довталабон ҳуқуқи иштирок дар расмиёти кушодани лифофаҳо пешниҳод мегардад.
    Маълумоти иловагӣ оид ба расмиёти озмунӣ барои Иштирокчиён бо суроғаи зерин дастрас мебошад:
Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон, ш. Душанбе, кӯчаи Шота Руставелли, 22, телефон: (+992 37) 227 66 04, факс: (+992 37) 227 66 21, e-mail: info@zakupki.gov.tj. Шахси масъули тамос: Акрамов Мансур Валиевич.

• ←
• →